Primavera (1981)

(Udino Ranzato)

Quando che riva la primavera

Te senti rinassare tuta la tera

Te senti el profumo dele vioe soi fossi

Te senti on sbisigo pa’ drento dei ossi

Te senti on profumo de vita e de amore

Te senti che quasi pantesa el cuore

Te vedi le foje che nasse so le rame

I fiori spanisse, i fioi co le mame

Te vedi i osei tornare dal viajo

Te toca tenere i balconi un fià in sbajo

Che el soe te scalda ma anca te frega

E on poca de piova oncora te nega

Te senti el vento portare garbin

E nuvoe grosse e un fià de caldin

E pì se va vanti, pì te te acorsi

Che pì passa el tempo e pì te te scuersi

E pì se laora e pì se fadiga

Che l’istà co’ riva no’ te speta miga

E mi spero che …

On poco ala volta ritorna so la tera

A essarghe queo che ‘na volta ghe jera

L’amore pa’ e robe pì vere e oneste

Che te s-gionfa el cuore e no’ te fa triste

L’amore d’eà vita pì s-ceta e sincera

Che nasse, che vive, che fa primavera.